AQŞta matbuğat muzeye satıldı

Amerika Quşma Ştatlarındağı jurnalistika häm matbuğat iregeneñ simvolı bulğan Noveum müzeye burıçları häm finans qıyınlıqları arqasında satıldı. Anı 372 million 500 meñ dollarğa Djon Xopkins universitetı aldı.

Noveumnıñ tözüçese häm finanslawçısı bulğan Bäysezlek Forumınıñ idarä räise Yan Neyxart beldergänçä, muzey soñğı yıllarda citdi iqtisadi qıyınlıqlar kiçergän. Şuna kürä, anı satu awır, ämma kiräkle qarar bula. Neyxart programma häm çaralarnıñ Djon Xopkins universitetı qul astında tağın da totrıqlı räweştä däwam itäçägen söyli. “Matbuğat iregen yaqlaw häm tağın da ğadel matbuğatnıñ ähämiyäte turında cämäğat’çelekne ağartu öçen êşebezne tuqtatmayaçaqbız,”-dide ul.  

Djon Xopkins universitetınnan yasalğan belderüdä isä muzeynıñ jurnalistika bülege studentlarına zur fayda kiteräçäge äytelä.