Qorallardan tüşämä taşı

Kolumbiyäneñ êlekkege İnqıylab qorallı köçlärennän alınğan mıltıq häm avtomatlarnı êretep suğışnıñ betüen simvollaştırğan “Fragmentos” dip ataluçı qorılmanıñ nigezenä tüşädelär.

Xökümät häm qorallı köçlär arasında tözelgän solıx kileşüendä oyışmanıñ qoralların häykälgä äyländerü şartı bar. Anı Kolumbiyäle sänğat’çe Doris Sal’sedo tormışqa aşırdı. Üzeneñ qorılmasın ul anti-häykäl dip atıy. Sal’sedo açılışta çığış yasap, äsäreneñ kolumbiyälelärneñ wäxşi bulmawı, cinayät’lär, üç alular tulı tarixnı däwam itmäyäçäkläre häm ayırmalıqlarnı köç qullanmıyça,  söyläşep çişäçäkläreneñ ber dälile buluın äytte.  

Solıx kileşüe êlekkege däwlät başlığı Xuan Manuêl’ Santos häm İnqıylab qorallı köçläreneñ êlekkege liderı Rodrigo Londono arasında 2016nçı yılnıñ 24nçe noyabrendä Bogotadağı tarixi Kolon teatrında imzalandı.

Oyışma qoralların xökümätkä tapşırıp säyäsi partiyägä äwerelde. Bu waqıyğa uñayınnan AQŞta häm Kubada da häykäl quyılaçaq.