Kärküktäge yanğan Ğosmanlı mirası tözekländerelä

Ğıyraqta küptän tügel yanğan Ğosmanlı bazarın Törkiyäneñ Bagdadtağı ilçese Fatix Yıldız barıp qaradı. Älege säwdä poçmağı törkmännär küpläp yäşi torğan Kärkük şähärendä urnaşqan. Yıldıznı qalağa kergändä Ğıyraq törkmän frontı räise Ärşät Salixi citäkçelegendäge törkem qarşıladı.

Yabulı Kaysäri bazarı - Ğosmanlı çorınnan qalğan miras. İlçe yanğınnan qalğan säwdä üzägen qarap çıqtı häm anda êşläwçelär belän söyläşte. Ul bazarnıñ tözekländereläçägen häm bu êşkä Törek xezmättäşlek häm koordinaśiyä agentlığı TİKAnıñ kereşüen äytte. Fatix Yıldız Ğosmanlı mirasın êlekkege xälenä kire qaytaru öçen mömkin bulğannıñ barısın da êşläyäçäklären ışandırdı.