Livandağı iñ zur Ğosmanlı aqçası kollekśiyäse
Livanda yäşäwçe Xösäyen Muaz isemle keşe 28 yıldan birle Ğosmanlı çorınıñ aqçaların cıya
Livanda yäşäwçe Xösäyen Muaz isemle keşe 28 yıldan birle Ğosmanlı çorınıñ aqçaların cıya. Xäzer ul üzeneñ kollekśiyäse belän dön’ya rekordlar kitabına kerergä isäpli. Xösäyen Muaz “Livan aqça kollekśiyäläre cämğıyäte” räise urınbasarı da. Antikvariat häm iske aqçalar belän qızıqsınuı 9 yäşendä başlanğan. Şul waqıtta uq Muaz cirle häm xalıqara kürgäzmälärdäge aukśionnarnı küzätep bara. 37 yäşenä qadär ul rekordlı sanda aqça kollekśiyäse tuplağan. Muaz Ğosmanlı çorına qarawçı siräk oçrıy torğan aqçalarnı satıp alu öçen Törkiyä, Yordaniyä häm Rumıniyä şikelle illärdäge antikvariatçılar yanına kitkän. “Livanda Ğosmanlı däwereneñ qäğaz’ aqçalarınnan toruçı iñ zur kollekśiyä mineke,”-dip ğorurlana ul. Tağın da kübräk banknot cıyu öçen Muaz yıraq yullarğa çığa häm küp waqıtın sarıf itä. İñ zur xıyalı - Ginnesnıñ rekordlar kitabına kerü.
Xösäyen Muaz kollekśiyäsendäge iñ borıñğı Ğosmanlı banknotı 1855-1857nçe yıllarğa qarawçı 100 quruş. Şunısı qızıqlı, ul imperatorlıqnıñ törle töbäklärenä cibärelüçe ğaskärlärgä birelä torğan bulğan.
Bäyläneşle xäbärlär
Törkiyä sportçıları - Awrupa çempionı
Milli sportçılar Xorvatiyädä uzğan çempionatta 2 altın medal’gä layıq buldılar