Yılnıñ iñ täêsirle yañğırı

Tizdän kük yöze belgeçläreneñ iñ ähämiyätle sanawçı waqıyğalarınnan berse - Perseid meteorit yañğırı bulaçaq. 12sennän 13nçe avgustqa qarşı töndä küktä ber säğat’tä 60 yoldız atılu kürü mömkin.

Törkiyä fänni häm texnologik tikşerenü oyışması milli observatoriyäse belderüendä xalıq telendä “yoldız yañğırı” dip yörtelüçe küreneşneñ, nıgezdä,  kük cisemnäreneñ cir atmosferasına yuğarı tizlek belän kergännän soñ ışqılıp yanuı ikäne äytelä. Alarnıñ yoldızlar belän bernindi bäyläneşe yuq. Kübese kom börtegennän dä keçkenä taş kisäkçekläre yäisä kosmik çüp-çar. Alarnın bik azı ğına cir yözenä kilep citä. Bu bäxetkä ireşüçelärne “meteorit” dip yörtälär.

Meteorit yañğırlarınıñ iñ täêsirleläre Perseid häm Leonid sanala. Berençese avgustta, ikençese noyabr’ ayında kürenä.  Perseid - 109P/ Swift-Tuttle kometası qaldıqlarınıñ Cir atmosferasına ışqılıp yanuı näticäsendä päyda bula.  

 Observatoriyädän belderülärençä, meteor yañğırı 13nçe avgustta tön urtasınnan soñ iñ yuğarı däräcäsenä citäçäk. Şähär utlarınnan yıraq urında küzätkändä, säğat’ sayın 60lap “yoldız atılu” kürergä mömkin. “Meteor yañğırların kürü öçen maxsus cihaz kiräk tügel, -di kük yöze belgeçläre. - Barı tik şähär utlarınnan yıraq ber cir, açıq häm bolıtsız kük, hawa suıq bulsa, cılı kiyemnär häm, mömkin bulsa, unaylı şezlong kiräk”.