Franśuz cırçıları qulğa alındı

Franśiyädä rêp cırçıları Booba häm Kaaris, Parijdağı Orli aêroportında ğawğa çığaruda ğayeplänep, waqıyğada qatnaşqan tağın 11 keşe belän bergä qulğa alındı.

Franśuz matbuğatında urın alğan xäbärlärgä qarağanda, yıllardır sośial’ mediya aşa äytkäläşüçe Senegal çığışlı Booba häm Kot d’İvuardan Kaaris aêroportta passport kontrolen ütkännän soñ ber butik êçendä tartqalaşa başlağan. Alar köçle ğawğa waqıtında ber-bersenä islemay şeşäläre atqan.  

İspaniyäneñ Barselona şähärenä kitärgä tiyeş bulğan rêpperlarnı qulğa aldılar. Alar belän bergä ğawğada qatnaşqan 11 keşe dä totqarlana.

Tartqalaşu säbäple, aêroportnıñ ber büleme 1 säğat’kä yulçılarğa yabıldı.

Booba häm Kaarisnıñ ğawğasın kürgän yulçılar bu waqıyğanı kesä telefonnarına töşergän. Videolar sośial’ mediyada zur qızıqsınu uyattı.