Törkiyä turizmında dönyanıñ iñ qurqınıç yulı

Trabzon-Bayburt arasındağı taw itägendä urnaşqan häm “dönyanıñ iñ qurqınıç yulı” dip saylanğan Däräbaşı Virajları tabiğat’ne yaratuçılar öçen turizmğa qazandırılaçaq.

Dön’yadağı qurqınıç häm awır yullarnı tanıtuçı "www.dangerousroads.org" isemle sayt tarafınnan 3 yıl êlek "dönyanıñ iñ qurqınıç yulı” dip saylanğan Trabzonnıñ Çaykara ilçäsendäge Däräbaşı Virajları - Trabzon belän Bayburtnı iñ qısqa yıraqlıq bulğan 3 meñ 500 metr biyeklektäge Soğanlı tawı aşa ber-bersenä totaştıra.

Qayber öleşläre Boliviyadağı "ülem yulı”nnan tağın da qurqınıçlıraq buluı belderelgän yul cir mäydanındağı tekä yarları häm 13 kisken virajı belän maşina yörtüçelärgä awır mizgellär yäşätä.

Yulda biğräq tä qışqı aylarda toman, yanğır, ubılma, qar häm qar taşqını kebek tabiğat’ waqıyğaları yış-yış yäşänä.

Yul qar yawımı arqasında yılnıñ 6 ayında diyärlek transportqa yabıla. Cäyneñ kilep citüe belän tawnıñ iñ yuğarı noqtalarında êregän qarlar räsem-kartina kebek manzarası bulğan tawlardan sözelep yılğalarğa barıp ireşä.

Töbäkneñ turizmğa qazandırıluı häm turistlarnı qurqınıç yulnıñ üzenä cälep itüçänlege belän oçraştıru öçen êşçänleklär alıp barıla.

Bu qısada tanıtu çaralarına qarağan “off-road” häm tawğa kütärelü belän bäyle bäygelär, yarışlar oyıştırılaçaq.

Dön’yaküläm tanılğan Uzungölgä baruçı avtoyul yünäleşendä urnaşqan töbäkneñ kiläçäktä möhim wazğıyätkä iyä bulaçağı uylanıla.