Mäçe matçnı tuqtattı

Rim açıq tennis turnirında bik az oçrıy torğan waqıyğa buldı. Matç waqıtında kortqa kergän ber mäçe uyınnı tuqtattı häm tamaşaçılarnı kölderde. Älege xäl Robert Farax – Xuan Sebast’yan Kabal häm Marselo Melo – Lukaş Kubot arasında parlı uyın barışında kilep çıqtı. Şunnan soñ sportçılarnıñ iğ’tibarı berazğa bozıldı. Mäçe kortnıñ urtasınnan uzarğa mataştı, tup isä gel anıñ yanına kilep töşte häm keçkenä qunaqnı qurqıttı. Soñınnan biçara xaywan tamaşaçılar arasına kerep zur tizlektä stadionnan çığıp qaçtı. Artınnan böten konśentraśiyäse taralğan 4 tennisçı qarap qaldı.