Germaniyada mäçet açıldı
Germaniyanıñ Axen şähärendä Yunus Ämrä mäçete açılışı uzdı
Din eşläre törek islam berlege Germaniyanıñ Axen şähärendä yaña mäçet tözede. Aña fiker iyäse, şağıyr’, sufıy Yunus Ämrä isemen birdelär. Mäçet açılışında Tön’yaq Reyn-Vestfaliya töbäge xakimiyäte başlığı Armin Laşet häm Axen mêrı da qatnaştı.
Törkiyäneñ Köln konsulı Barış Cäyxun Ärciyäs beldergänçä, mäçetneñ açıluı - tolerantlıqnıñ artuına säbäpçe bulaçaq. Armin Laşet, şulay uq, gıybadät yortınıñ şähärdäge berdämlek häm bärabärlek öçen möhim ikänen assızıqladı.
“Bu mäçetneñ tözeleşenä şähär xalqı häm säyäsätçelärneñ yärdäm itüe – İslam dineneñ Germaniyäneñ ber öleşe buluına iñ zur dälil. Mäçetlär häm başqa ğıybadätxanälär säyäsättän östen häm anıñ qoralı bulırğa tiyeś tügel,”-dide Armin Laşet.
Germaniyada yäşäwçe töreklär dä Yunus Ämrä mäçeteneñ üzläre öçen milli üzañ mäs’äläsendä ähämiyätle buluın belderde.
Açılışta qatnaşuçı nemeślar däwlätläreneñ islamğa qarşı bularaq qabul itelüen telämäwlären citkerde.
Din êşläre citäkçese yärdämçese Osman Tıraşçı Germaniyadağı mäçetlärneñ yäş’lärne tärbiyäläwdäge ähämiyätenä basım yasadı. “Monda İslam dineneñ asılın öyrängän yäş’lär cämğıyät’kä zarar birüçe küñelsez êşlär belän şöğıl’länmäs. Bu mäs’älädä mäçetlärneñ role bik zur,”-di din ähele.
