Änkarada Ukraina filmı

Ukainanıñ Ӓnkaradağı ilçelege ӓydӓp baruçanlığında ilneñ Doneśk şӓhӓrendӓge aêroport suğışın añlatuçı “Kiborglar: qaharmannar ülmӓz” isemle fil’m kürsӓtelde.

Ӓnkaradağı ber kinoteatrğa Ukraina tışqı êşlӓr ministrı Pavlo Klimkin, Qırım tatar xalqı liderı Mustafa Abdülcӓmil Kırımulı hӓm Ukrainanıñ Ӓnkaradağı ilçese Andrey Sibiga belӓn ber rӓttӓn şaqtıy çaqırulı keşe kilde.

Klimkin monda yasağan çığışında: “Fil’mnıñ tamaşaçılarnıñ küñelenӓ kerep qalaçağına ışanam,” – dide.

Pavlo Klimkin tübӓndӓgeçӓ dӓwam itte: “Fil’m Ukrainanıñ bӓysezlege hӓm bötenlege öçen cannarın fida itkӓn qaharmannarnı añlata. Qaharmannar ülmӓs.”

Qırım tatar xalqı liderı Qırımulı isӓ Ukrainada suğışnıñ 3 yıldan artıq baruın xӓterlӓtep, xӓzergӓ qadӓr suğış arqasında 10 meñnӓn artıq keşeneñ yaqtı dönyadan kitüen assızıqladı.

Fil’mnıñ rejissyerı Axtem Seitablayeb isӓ: “Töreklӓrgӓ watan öçen ülüneñ nӓrsӓ ikӓnen añlatırğa kirӓk tügel. Çönki Törkiyӓneñ zur tarixı mondıy ürnӓklӓr belӓn tulğan. Bu fil’m balaları kilӓçӓktӓ nindi ildӓ yӓşӓwlӓren belüçe keşelӓr xaqında,” - dide.