15nçe iyul' qaharmannarı iskä alındı

Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüenä qarşılıq kürsätkän qaharmannar İstanbulda oyıştırılğan programmada iskä alındı.

“15nçe iyul’ Qaharmannarınıñ cırların cırlıybız” isemle çarada Törkiyä ilbaşı Räcäp Tayyip Ärdoğannıñ yullaması uqıldı.

Ärdoğan: “15nçe iyul’ – millätebez yazğan iñ zur ciñü cırıdır,” – dide.

İlbaşı idaräse süzçese İbrahim Kalınnıñ cırçı Yavuz Bingöl belän bergä säxnägä çığıp başqarğan cır isä tamaşaçılarnı xis-toyğılandırdı.

Jurnalistlar Oğuz Haksävär häm Handä Fırat alıp barğan programmada ul qarañğı tönne töşerelgän räsem häm fotosürätlär dä kürsätelde.

15nçe iyul’ qaharmannarı yaratqan cırlarnı törek sänğatçeläre başqardı.

İstanbul Şähär xaqimiyäte tarafınnan oyıştırılğan iskä alu çarasında Mädäniyät häm Turizm ministrı Nabi Avcı, êlekke premyer-ministr Äxmät Dawıtoğlu, İstanbul şähär xaqimiyäte başlığı Kadir Topbaş, TRT ğomüm mödire Şänol Göka belän şähit tuğannarı häm ğazıylar qatnaştı.