2016 Rio Olimpiada uyınnarı tögällände

78 meñ keşe sıydırışlı Marakana stadionında ütkärelgän häm Törkiyä waqıtı belän säğät 02:00dä başlanğan tantana 3 säğät däwam itte.

Lapa aqveduğı, Käsmäşäkär (Pan-di Asuqar) häm Corcovado tawları kebek Rio de Janeiro qalasınıñ simvol urınnarı belän olimpiada bocrasınıñ xoreografik şäkeldä täqdim itelüe belän başlanğan tantanada soñınnan Braziliya gimnı yañğıradı.

Uyınnarda qatnaşqan 207 ilneñ bayraqları sportçıları tarafınnan stadionğa kiterelde. Törkiyä bayrağın olimpiadalarda altın medal’ yawlağan milli köräşçe Taha Akgül kütärde.

Cirle biyülär häm köylär täqdim itelgän tantanada küp sanda tanılğan sänğätçe dä çığış yasadı.

Rio de Janeiro şähär xakimiyäte başlığı Êduardo Paes olimpiada bayrağın Xalıqara olimpiada komitetı (IOC) Başlığı Tomas Baxqa tapşırdı.

Bax isä bayraqnı 2020 Olimpiada uyınnarı ütkäreläçäk Yaponiya başqalası Tokio gubernatorı Yuriko Koikegä täslim itte.

Bayraqnı tapşıru tantanasınnan soñ Yaponiya gimnı yañğıradı häm Yaponiya üz tamaşasın täqdir itte.

Çığışlardan soñ 17 kön buyı stadionda yanıp torğan olimpiada fakelı sünderelde häm uyınnar räsmi räweştä tögällände.

Şul arada 2016 Rio Olimpiada uyınnarında Törkiyä 1 altın, 3 kömeş, 4 bronza belän bergä iyä bulğan tuplam 8 medal’ belän ğomum isemlektä 41nçe buldı.

Törkiyä köräştän 5, awır atletika, tekvando häm atletizmnan berär medal’gä layıq buldı.

Amerika Quşma Ştatları 46 altın, 37 kömeş, 38 bronza belän bergä barlığı 121 medal’ belän ğomum isemlektä iñ yuğarı urınğa ireşte.

Amerika Quşma Ştatlarınıñ soñ 27 altın, 22 kömeş häm 17 bronza belän 66 medal’ğa layıq Böyek Britan ikençe urınğa iyä buldı.

26 altın, 18 kömeş häm 26 bronza belän bergä 70 medal’ğa iyä Qıtay isä öçençe urın aldı.

Öy xucası Braziliya isä uyınnarnı 7se altın, 6sı kömeş, 6sı bronza tuplam 19 medal’ belän 13nçe bularaq tämamladı.