Berençe finalistlar bilgele

61nçe Yevrovideniye cır bäygeseneñ Şvetsiya başqalası Stokgolmda oyıştırılğan berençe yarım finalında 10 finalist bilgele bulğan.

Globen Arenada uzğan berençe yarım final Yevrovideniye cır bäygese 2015tä cinü yawlağan Mans Zelmerlöwnın “Heroes” isemle cırı belän başlanıp kitkän.

Berençe yarım finalda qatnaşqan 18 cırçı cırların başqarğannan soñ ütkärelgän tawış birüdä Azärbaycan, Rusiyä Federatsiyase, Hollandiya, Vengriya, Xorvatiya, Awstriya, Ärmänstan, Çexiya Cömhüriyäte, Könyaq Kipr Grek Töbäge häm Malta ikençe yarım finalğa çıqqan.

San Marino, Bosniya-Gertsegovina, Moldova, Finlyandiya, Gretsiya, Estoniya, İrlandiya häm Çernogoriya töşep qalğan.

Yevrovideniye cır bäygese 2016nıñ ikençe yarım finalı 12nçe may könne, final isä 14nçe mayda uzaçaq.

Germaniya, Frantsiya, Angliya, İspaniya häm İtaliya turıdan finalda köç sınaşaçaq.