İzmirdä “Qaraçqı festivale”

İzmirneñ Urla ilçäsendäge Barbaros awılında 18-75 yäştäge xatın-qızlar yuğala baruçı mädäniyät häm ğoref-ğadätlären canlandıru öçen üzläre äytkänçä Oyuk festivale oyıştıraçaq.

“Yılmayığız, sez Barbarosta” şiğare belän awıl keşeläre oyuk iseme birelgän häm igen-basularnı saqlaw maqsatı belän qullanıluçı qaraçqını da festival simvolı itep bilgeläde.

Barbarostağı Oyuk festivalendä “Barbaroslı Oyuklar” häm “Qunaq Oyuklar” kategoriyalärendä qaraçqı bäygese oyıştırılaçaq.

Älege bäygeneñ ber şartı bulaçaq – yasalğan qaraçqılar Barbaros awılında qalırğa tiyeş.

Qaraçqı bäygese belän ber rättän Barbaros awılınıñ iñ matur baqçası häm işeğaldı saylanaçaq “Baqça häm İşeğaldı” bäygese, traditsion häm cirle aş-sularnı onıtmaw, onıtıla baruçı aşamlıqlarnı qabat canlandıru öçen Crie tatlar aş-su bäygese oyıştırılaçaq.

Awıldağı balalar parkına salam, iske kiyem-salım kebek qaraçqı materialları quyılaçaq, şul räweşle awılğa kiläçäk qunaqlarnıñ ayıruça bala-çağalarnın qaraçqı yasap, küñel açularına forsat tudırılaçaq.

Çara qısalarında fotoräsem kürgäzmäläre açılaçaq, öydä peşerelgän rizıqlar häm qulda yasalğan äyberlär satılaçaq stendlar qorılaçaq.

Ayıruça awıl mäydanında teatral’ qına kiçäse uzaçaq.