“Cännät balaları” klibı kürsätelä

İllärendäge watandaşlar suğışınnan qaçıp, Törkiyädä yäşi başlağan Süriyäle balalarnıñ dramasın añlatuçı “Cännät balaları” isemle klip çärşämbe könne berençe tapqır kürsäteläçäk.

Milli Möstäqillek häm Balalar bäyräme çaraları qısalarında oyıştırılğan Törkiyä teleradiokompaniyase TRTneñ 38nçe Xalıqara 23nçe aprel Balalar bäyrämendä qatnaşır öçen törle illärdän kilgän balalar çärşämbe könne Törkiyä ilbaşı Räcäp Tayyip Ärdoğan tarafınnan qabul iteläçäk.

İlbaşı Kölliyätendä uzaçaq qabul itüdä yıllar buyı däwam itüçe watandaşlar suğışı arqasında yaqın keşelären, bäxetlären, xıyalların yuğaltqan Süriyäle balalar töşkän “Cännät balaları” isemle klip yärdämendä kiçergän dramaları bar dönyağa çağıldırılaçaq.

“Bügen yılamayaçaqmın, bäxetle bulam bügen, bügen ülmäyäçäkmen, bügen ilem Törkiyä minem” dip başlanuçı cır tübändäge cömlälär belän tamamlana: “Bez – cännät balaları, qoral tawışın ciñär söyüebez, här fasılnıñ çäçäkläre, barıbız da qardäş bez, yaxşı dönyağa layıq.”

Xis-toyğılı klipta suğışta cimerelgän binalar, qorallardan qaçuçı keşelär, bomba tawışları, yärdämgä çaqırular, yaralanğan, äti-änisen, qardäşen yuğaltqan häm ğomere özelgän balalar urın ala.

Klipta Süriyädä suğış yılatqan ömetsez, qurqulı, yılawçı keçkenä küzlärneñ Törkiyädä ömet tabuları añlatıla.

Törkiyädä kürgän söyü, şäfqat öçen yäşäwdän waz kiçmägän, tormışnı yaratqan balalar: “Açlıqtan ülmäwçe ruxım, diñgezdä batmawçı ömetem, ğariplänmäwçe yörägem bar,” – dip cırlıy.