AQŞta Törek-amerikan mädäniyät üzäge açıldı

Amerika Quşma Ştatlarınıñ Maryland ştatındağı Törek-amerikan mädäniyät häm tsivilizatsiya üzägen Törkiyä İlbaşı Räcäp Tayyip Ärdoğan açıp cibärde.

Ärdoğan açılış tantanasında üzäkneñ böten möselmannarğa xäyerle buluın teläde.

Dönyada häm Amerika Quşma Ştatlarında, qızğanıç, möselmannarğa qarata tüzemsezlek häm aldan uq tiskäre xökem yörtü iñ yuğarı däräcädä bulğan çordan uzuıbıznı assızıqlawçı Ärdoğan açılışın yasağan qolliyätneñ İslamğa qarşı tiskäre xökemnärgä qarata möhim totqarlawçı adım buluın häm bik zur ähämiyätkä iyä buluın äytte.

Açılışta törle din häm millätlärdän aldınğı wäkillär belän bergä küp sanda keşe cıyıldı.

Töreklär qädär çit il keşelärennän dä iğtibar kürgän üzäktäge mäçet 16nçı ğasır traditsion ğosmanlı miğmarisenä turı kiterelep salındı.

Amerika Quşma Ştatlarındağı ike manralı berdänber mäçet bulğan ğibadätxanädä işek aldı belän bergä beryulı 3 meñ keşe ğibadät itä alaçaq.

Yaqınça 16 meñ kvadrat metrlıq cir mäydanına salınğan üzäktäge mäçet astında 300 kvadrat metr kiñlegendä İslam äsärläre muzeyı urnaşqan.

Üzäk eçendä ayıruça sälcuqlı miğmarisenä turı kiterelep tözelgän mädäniyät üzägendä isä kitapxanä, konferentsiya, kürgäzmä häm cıyılış zalları belän qabul itü merasimı mäydanı bar.

Mädäniyät üzäge êçendäge İslam tikşerenüläre üzägendä dä Amerika Quşma Ştatlarına yuğarı belem häm magistratura öçen baraçaq uquçı yäşlärgä kiñäşmä xezmäte bireläçäk.