"TRTdä üzgäreş bar"
TRT ğomüm mödire qabat TRT ekrannarına qaytunıñ başlanuın äytkän
Törkiyä teleradiokompaniyase TRT ğomüm mödire Şänol Göka 60 tiräse ildän investorlarnıñ “Diriliş Ärtuğrul”, yägni “Terelü Ärtuğrul” isemle serialnıñ üz illäre belän bäyle efirğa birü xoquqların satıp alu öçen üzlärenä möräcäğat itüen äytkän.
Göka yasağan açıqlawda soñğı çordağı üzgäreş belän watandaşlarnıñ TRTneñ barlıq kanallarına qızıqsınuın arttıruın citkergän.
Qabat TRT ekrannarına qaytunıñ başlanuın assızıqlağan Şänol Göka barlıq serial häm programmalarnıñ diyärlek berençe 5lektä urın aluın häm monda “Terelü Ärtuğrul” serialınıñ zur öleşeneñ buluına basım yasağan.
Şänol Göka monıñ öçen watandaşlarğa, serial töşerüçelärgä häm uyınçılar belän TRT räsmi zatlarına räxmäten beldergän.
TRTdä soñğı waqıtta küzätelüçe üzgäreşkä işarät itkän Göka çit illärdän serialğa möhim taläplärneñ buluın citkerep: “Läkin xäzergä tögäl kileşülär yuq. 23nçe aprel könne Antaliyada “EXPO 2016” uzaçaq. Taläplärne bäyälibez. Barlığı 60 ildän taläp kilde. Yärminkädän soñ alarnı qarayaçaqbız. Dönyanın här poçmağınnan diyärlek bik citdi taläplär bar,” – digän.
