"İstanbul Könyaq Koreyada"
İstanbul şähär xaqimiyäte Könyaq Koreyanıñ Gonju şähärendä şähärçek qordı
2013nçe yılda Könyaq Koreya İstanbulda ide.
Bu tapqır İstanbul şähär xaqimiyäte Könyaq Koreyanıñ Gonju şähärendä şähärçek qordı.
Gonjunıñ barlıq prospekt häm uramnarında törek bayraqları elengän. 10 kön baraçaq çaralarda meñnärçä Koreya keşesenä İstanbul şähäre tanıtılaçaq.
“İstanbul Gonjuda” çaraalrı öçen qorılğan organizatsiya alanı Könyaq Koreya räsmi zatlarına kürä il tarixında mädäni çara öçen qorılğan iñ zur mäydan bulıp tora.
Mäydanda törek kinosı, teatrı häm törek muzıkası ürnäkläre kürsäteläçäk kontsert urını bar.
Ayıruça, törek sänğatläre tanıtılaçaq säwdä üzäge dä qorıldı.
Bu üzäktä ebrudan täzhibkä qadär küp sandağı äsär Koreya xalqına täqdim iteläçäk.
Koreyalılar döner belän ber rättän törek aş-sularınıñ läzzätle rizıqların da tatıp qarayaçaq.
“İstanbul Gonjuda” 12nçe sentyabr könne İstanbul şähär xaqimiyäte başlığı Kadir Topbaş häm Koreyalı räsmi zatlar qatnaşaçaq açılış programması belän başlanıp kitäçäk.
Törkiyägä kilüçe turistlar isemlegendä Könyaq Koreya 2012nçe yılda 20nçe urında ide.
2013nçe yılda İstanbulda oyıştırılğan “Könyaq Koreya İstanbulda” isemle çaradan soñ bu ildän kilüçe turist sanı 35%ka arttı.
Könyaq Koreyalılar xäzerge waqıtta Törkiyägä kilüçe turistlar isemlegendä 13nçe urında.
