Fälästin azatlıq köräşeneñ şağire wafat buldı

“WAFA” Fälästin räsmi xäbär agentlığı beldergänçä, yaqınça öç yıl inde yaman şeş awıruı belän köräşkän häm ike atna elek Safäd xastaxanäsenä salınğan "Azatlıq köräşeneñ şağire” dip yörtelgän Sämih äl-Qasım 75 yäşendä canın täslim qıldı.

Yaña buın Fälästin şağirlärennän berse bulğan tanılğan şäxes Qasımnıñ 60qa yaqın äsäre bar. Şiğriyät, roman, dramaturgiya häm proza janrlarında xezmätläre bulğan häm kitapları şaqtıy telgä tärcemä itelgän Qasım Mahmut Därviştän soñ Fälästinneñ ikençe zur şağire bularaq belenä.

Ramlädä 1939nçı yılda dönyağa kilgän balaçağı Ramallahta uzğan Qasım Nasırada uqıdı. Uqıtuçı bulıp eşlägän çaqta yazğan ikençe şiğir kitabı tsenzurağa eläkkännän soñ hönärennän çitläşterelde. Millätçelege arqasında berniçä tapqır törmägä utırtılğan Qasım Hayfada çıqqan "Äl-Cädid" isemle jurnalda eşläp yäşärgä tırıştı.