İstanbulda ABU cıyılışı

Törkiyä teleradiokompaniyasendä Aziya-Tın Okean Efir berlege ABUnıň xäbär törkeme cıyılışı uzdı.

Cıyılışta TRT ğomüm mödire İbrahim Şahin Törkiyä teleradiokompaniyaseneñ soñğı 10 yılda yasağan möhim adımnarına iğtibar cälep itte.

Şahin dönyadağı iqtisadi krizis arqasında däwlät mediası da awır könnär kiçergän waqıtta TRTnıñ 10 yılda 10 yaña kanal açuı Aziya häm Awrupa media oyışmalarınıñ iğtibarın cälep itüen äytte.

İbrahim Şahin çığışında ABUğa äğza bulğan xäbär kanalları qullanğan urtaq xäbär sistemasınıñ üsterelüe zarurlığına da basım yasadı.

Çärşämbe könne azağına yaqınlaşaçaq cıyılışta äğza illär arasında xäbär belän almaşu häm töbäk xalıqlarınıñ ber-bersen tağın da yaxşı tanıp, belüläre mäs’älaläre qaralaçaq.