Törkiyäneñ terrorçılıqqa qarşı köräşe

“Zӓytün botağı” xӓrӓkӓte qısalarında Afrinnıñ Törkiyӓgӓ çige bulğan töbӓklӓre YPGle terrorçılardan qulğa töşerelde hӓm soñınnan ber atnada Cinderes, Raco, Şӓyh Hadid hӓm Şӓran meskun mӓxӓllӓlӓre terrorçılardan çistartıldı. Törkiyӓneñ çik buyın çistartuı belӓn YPG suğışçılarınıñ minomyet hӓm qısqa radiuslı raketalar belӓn Törkiyӓgӓ höcüm oyıştıruına kirtӓ quyıldı. Bu Törkiyӓneñ milli iminlege cӓhatennӓn möhim qazanış buldı. Şul rӓweşle Afrin töbӓgennӓn Rӓyhanlı hӓm Kiliskӓ qarata höcümnӓr dӓ tuqtatıldı.

Sӓyӓsӓt, iqtisad hӓm ictimaği tikşerenülӓr waqıfı SETAda tikşerenüçe, yazuçı Can Acunnıñ mӓs’ӓlӓ belӓn bӓyle açıqlawın tӓqdim itӓbez.

Çik buyı töbӓgeneñ qulğa töşerelüe belӓn YPG/PKKnıñ Amanos tawlarına qaçuı da beterelde. Belgӓnebezçӓ YPG/PKK Afrinnan Törkiyӓneñ Hatay şӓhӓrenӓ taba Amanos tawların qullanıp, qoral hӓm terrorçı küçerӓ ide. Şul rӓweşle Törkiyӓdӓ AQŞ YPGğa birgӓn şaqtıy qoral sistemaları qulğa töşerelde. Fӓqat Törkiyӓneñ milli iminlege cӓhatennӓn PKKnıñ alandağı xaqimiyӓte, aqça hӓm keşe çığanağınıñ alınuı da zarur. Törkiyӓ üz çiklӓrendӓ urnaşqan terrorçılarğa röxsӓt birmӓyӓçӓgen “Zӓytün botağı” hӓm “Fӓrat qalqanı” xӓrӓkӓtlӓre belӓn kürsӓtte.

“Zӓytün botağı” operaśiyase qısalarında Afrin qamaw astına alındı. Fӓqat Törek qorallı köçlӓre hӓm Bӓysez Süriyӓ Armiyase ӓlegӓ şӓhӓrgӓ qarata höcüm başlatmadı. YPGle suğışçılar tınıç xalıqnı qalqan bularaq qullanırğa tırışa hӓm ğayepsez keşelӓrneñ şӓhӓrdӓn çığuına kirtӓ quya. Şul rӓweşle konvoy belӓn Afrinnan kitӓrgӓ tırışuçı xalıqqa YPGle suğışçılarnıñ qomaçawlawı kürenӓ. Afrindağı tınıç xalıq şӓhӓrdӓn çığıp, Törek qorallı köçlӓre hӓm Bӓysez Süriyӓ Armiyase terrorçılardan çistartqan töbӓklӓrgӓ qaçarğa teli, fӓqat YPG/PKK moña qomaçawlıy. Törek qorallı köçlӓre hӓm Bӓysez Süriyӓ Armiyaseneñ grajdannarğa sizgerlek kürsӓtüe Afrin şӓhӓr üzӓgenӓ qarata operaśiyaneñ soñ başlanuına sӓbӓpçe.

“Zӓytün botağı” xӓrӓkӓte dӓwam itkӓndӓ Törkiyӓ kön’yaq çigeneñ terrorçılardan çistartuğa qarağan yaña adımnar öçen ӓzerleklӓr başqara. Ber yaqtan AQŞ belӓn Fӓratnıñ könbatışındağı Mӓnbiçkӓ qarağan söylӓşülӓr alıp baruçı Törkiyӓ ikençe yaqtan Ğiraqtağı terrorçılarğa qarata Ğiraq üzӓk xökümӓte belӓn söylӓşülӓr ütkӓrӓ.

AQŞ Mӓnbiçne YPG xaimiyӓte astındağı Süriyӓ demokratik köçlӓre belӓn qulğa töşergӓndӓ şӓhӓrneñ DEAŞtan alınğannan soñ YPGle suğışçılarnıñ Fӓratnıñ könçığışına kire çigelӓçӓklӓren hӓm Mӓnbiç töbӓgeneñ ğarӓplӓr tarafınnan kontrol’ itelӓçӓgenӓ Törkiyӓgӓ süz birde. Törkiyӓ AQŞnıñ bu tӓqdimen töbӓkneñ DEAŞtan çistartıluı öçen qabul itte. Şul rӓweşle Mӓnbiç operaśiyasennӓn soñ yuğarı dӓrӓcӓle Amerikan rӓsmi zatları YPGneñ töbӓktӓn kitüen açıqladı. Fӓqat bu dӓğwalarnıñ çınbarlıqnı çağıldırmawı Törkiyӓ tarafınnan açıqlandı. “Fӓrat qalqanı” xӓrӓkӓte waqıtında YPGle suğışçılarnıñ Törek qorallı köçlӓre hӓm Bӓysez Süriyӓ Armiyasenӓ höcüm itüennӓn soñ AQŞ dӓğwalarınıñ döres bulmawı isbatlandı. Törkiyӓ “Zӓytün botağı” xӓrӓkӓtennӓn soñ Mӓnbiç töbӓgen dӓ YPGle suğışçılardan çistartuda tӓwӓkkӓl.

Törkiyӓneñ tӓwӓkkӓl totışınnan soñ AQŞ belӓn yuğarı dӓrӓcӓle söylӓşülӓr ütkӓrelde hӓm êş törkemnӓreneñ qorıluına qarar birelde. Êş törkemnӓrendӓ AQŞ hӓm Törkiyӓ arasındağı kileşmӓwçӓnleklӓrneñ niçek beterelӓçӓge qaralaçaq hӓm xezmӓttӓşlekne arttıruğa qarağan adımnar yasalaçaq. Mӓnbiç cӓhatennӓn isӓ YPGneñ töbӓktӓn çığarıluı hӓm törek, Amerikan ğaskӓrilӓreneñ urtaq êşçӓnleklӓreneñ qorıluı planlana. Moña kürӓ törek ğaskӓriye hӓm Amerikan ğaskӓrilӓre Mӓnbiçtӓge iminlekne bergӓ tӓêmin itӓçӓk. Törkiyӓ “Zӓytün botağı” operaśiyasennӓn soñ ixtimallı Mӓnbiç xӓrӓkӓtenӓ qadӓr AQŞ belӓn kileşeğ, çişeleş tabarğa teli. AQŞ cӓhatennӓn dӓ Törkiyӓ belӓn kileşep, Mӓnbiç öçen çişeleşneñ tabıluı hӓm töbӓkneñ terrorçılardan çistartıluı tağın da aqıllı yul bulıp tora. Şul rӓweşle Törkiyӓ Mӓnbiçne terrorçılardan arındıruda tӓwӓkkӓl.

Ğiraqtağı terrorçılar öçen isӓ Ğiraq üzӓk xökümӓte belӓn urtaq xӓrӓkӓtneñ oyıştırıluı turında süz bara. Operaśiyaneñ Ğiraqtağı saylawlardan soñ ütkӓrelüe kötelӓ. Törek qorallı köçlӓreneñ ber ük waqıtta ike frontta suğışu sӓlӓte bar. PKK terror oyışması Ğiraqta Duhok, Zagros hӓm Kandil liniyasendӓ bar. Fӓqat Süriyӓdӓ bulğanı kebek PKK DEAŞnıñ pӓyda buluınnan faydalanıp, xaqimiyӓt hӓm operaśiya alanın kiñӓytte. Ğiraqta Sincar töbӓgendӓ hӓm Sincar tawındağı PKK şul uq waqıtta töbӓkne Ğiraq hӓm Süriyӓ arasında êlemtӓ bularaq da qullana.

Törkiyӓ tözegӓn yaña konśept belӓn terrorçılıqqa qarşı körӓşne üz çiklӓrendӓ saqlanu bularaq tügel, ӓ çik aryağında xӓrbi operaśiyalӓr oyıştırıp, terrorçılıqnı urınında yuqqa çığara. “Fӓrat qalqanı” xӓrӓkӓtendӓ Süriyӓneñ Cӓrablus, Dabıq hӓm Al-Bab töbӓklӓre çistartılğannan soñ DEAŞ terror oyışmasınıñ Törkiyӓdӓge höcümnӓre azaydı. Xӓtta bette dip ӓytergӓ bula. Şul uq rӓweşle “Zӓytün botağı” operaśiyasennӓn soñ Ğiraq hӓm Mӓnbiç tӓ YPGle suğışçılar tarafınnan çistartılğan oçraqta Törkiyӓdӓge terror höcümnӓre azayaçaq. Törkiyӓ çınında çik aryağı xarӓkӓtlӓre belӓn üz milli iminlegen genӓ tügel, ӓ şul uq waqıtta kürşe illӓrneñ milli iminlegen hӓm bar dönyanı terrorçılıqtan saqlıy.