Dürt il neft’ne kimetep citeşterüne däwam itäçäk

OPEC Neft’ êksportlawçı illär oyışması häm oyışmağa kermägän qayber citeşterüçe illärdän torğan OPEC+ törkemennän Soğud Ğaräbstanı belän Quveytneñ neft’ne êşläp çığaruın kimetüen tağın 3 ayğa ozaytu qararın qabul itüe citkerelde.

Soğud Ğaräbstanı Ênergetika ministrlığınnan räsmi ber zat kimetüneñ iyün’ axırına qadär ozınaytıluın häm könenä 9 million miçkä êşläp çığarılaçağın belderde.

Aljir ênergetika ministrlığınnan yasalğan belderüdä dä neft’ne kimetep êşläp çığarıluı turında mäğ’lümat birelde.

Aljirnıñ könenä neft’ citeşterüdä 51 meñ miçkägä azaytılaçağı citkerelgän belderüdä ber könlek êşläp çığarunıñ 908 meñ miçkä buluınıñ kötelüe iskärtelep uzıldı.

Quveytneñ “KUNA” xäbär agentlığı da üzixtıyarıy kimetüneñ iyün’ azağına qadär ozaytıluın, 135 meñ miçkägä azaytılıp, könenä 2 million 413 meñ miçkä neft’ êşläp çığarılaçağın xäbär itte.

Şul uq waqıtta Rusiyä Baş ministr urınbasarı Aleksandr Novak ta ileneñ neft’ citeşterüdäge häm êksporttağı azaytunı ağımdağı yılnıñ ikençe çiregendä köndälek 471 meñ miçkägä arttıraçağın belderde.