Yasalma aqıl êşsez qaldırırğa mömkin
Yasalma aqılnıñ alğa kitkän iq’tisadlarda xäzerge êşlärneñ 60%ına yoğıntı yasayaçağı belderelä
Xalıqara valyuta fondı citäkçese Kristalina Georgiyeva Davosta oyıştırılğan Bötendön’ya iq’tisad forumında qatnaşır aldınnan jurnalistlarğa belderü yasadı häm yasalma aqılnıñ alğa kitkän iq’tisadlarda xäzerge êşlärneñ 60%ına yoğıntı yasayaçağın äytte. Bu kürsätkeç üsep kilüçe iq’tisadlarda - 40% häm az keremle illärdä 26% bulaçaq.
Monıñ belän bäyle äzerlängän maxsus xisapta yasalma aqılnıñ äytep uzğan êşlärneñ yartısına naçar täêsir yasayaçağı, ä yartısında isä näticälelek artıp uñay yoğıntı barlıqqa kiteräçäge küzallana.
“Êşegez tulısınça tartıp alınırğa mömkin - bu, älbättä, yaxşı tügel. Yäisä yasalma aqıl êşegezne tağın da yaxşıraq başqarırğa yärdäm itär häm bu keremeğezne arttırır”,-di Georgiyeva. Ul älege texnologiyälärneñ inde kilep citüen häm illärneñ alarnı üzläşterüe kiräklegen äytte. “Äye, yasalma aqıl beraz şomlandıra, şul uq waqıtta ul härkem öçen zur mömkinlek,”-di Xalıqara valyuta fondı citäkçese.
