Türkiyädän Awrupa Berlege illärenä avtomobil’ satuı artqan

Sektor ğıynwar-iyün’ aylarında 190dan kübräk ilgä, üzidaräle häm irekle töbäkkä êşlänmä sattı.

Avtomobil’ industriyasınıñ êksportı berençe yartıda 2022nçe yılnıñ şuşı uq çorına qarağanda 14%qa artıp, 15 milliard 250 million 785 meñ dollardan 17 milliard 337 million 288 meñ dollarğa citte.

Awrupa Berlege töbäge bıyıl ğıynwar-iyün’ çorında Türkiyäneñ avtomobil’ êksportında 69,2% öleş belän berençe urında.

Awrupa Berlege illärenä êksport şuşı çorda uzğan yılnıñ şuşı uq çorına qarağanda 20% artu belän 9 milliard 986 million 402 meñ dollardan 11 milliard 988 million 673 meñ dollarğa citte.

Şuşı çorda iñ küp êksport yasalğan il Germaniya buldı.

2 milliard 436 million 353 meñ dollar külämendä satılğan Germaniyadan soñ iñ küp êksport başqarılğan Awrupa Berlege ile Franśiyağa tışqı satu 44%qa arttı. Franśiyağa avtomobil’ êksportı ağımdağı yılnıñ berençe yartısında 2 milliard 192 million 198 meñ dollarğa citte.

İtaliyağa 1 milliard 527 million 211 meñ, İspaniyağa 1 milliard 277 million 434 meñ, Pol’şağa 831 million 668 meñ, Sloveniyağa 741 million 683 meñ, Bel’giyağa 665 million 460 meñ dollarlıq avtomobil’ êksportı tormışqa aşırıldı.

İñ küp êksport başqarılğan berençe 10 ilneñ cidesen Awrupa Berlege äğ’zaläre täşkil itte.