Misır Rusiyädän boday satıp aldı

Misır azıq-tölek iminlegen täêmin itü öçen Rusiyädän 240 meñ tonna boday satıp aldı.

Misırnıñ tovarlar belän täêmin itü oyışmasınıñ yazmaça belderüendä älege bodaynıñ ramazan ayınıñ ber öleşenä turı kilüçe 1nçe-15nçe aprel’dä kitereläçäge äytelä. Êksport Bötendön’ya bankı finanslawı belän tormışqa aşırılaçaq. Här tonna öçen 317,5 dollardan kileşüläre belderelde. Aqça boday Misır portlarına barıp citep kontrol’ itelgännän soñ tülänäçäk

Misır yıllıq boday ixtiyacınıñ 80%ın çittän satıp ala. Ul dön’ya külämendä bu nisbättän berençe urında tora.

Awıl xucalığı ministrlığı mäğ’lümatlarına qarağanda, il uzğan yıl 13,3 million tonna boday importlağan. Anıñ iñ zur täêminatçısı yaqınça 9 million tonna belän Rusiyä buldı.

Boday bäyäläre häm dollar kursınıñ üsüe näticäsendä Misırnıñ 2022nçe-2023nçe yılğı byudjetına 3 milliard dollar östämä aqça bülep birelgän.

Rusiyä-Ukraina suğışı arqasında täêminatta qıyınlıqlar kiçerüçe Misırda 2022nçe yılnıñ 3nçe martında bodaynıñ tonnası yaqınça 53 dollarğa arttı.