Avtomobil’ sänäğätendä citeşterü häm êksport artqan
Türkiyä avtomobil’ sänäğätendä yılnıñ berençe ayında tuplam citeşterü monnan aldağı yılnıñ şuşı uq ayına qarağanda 24%qa artıp, 111 meñ 837 bularaq başqarıldı
Avtomobil’ sänäğäte cämğıyäte 2023nçe yılnıñ ğıynwar ayına qağılışlı citeşterü häm êksport sannarı belän bazar kürsätkeçlären açıqladı.
Monıñ nigezendä ğıynwar ayında tuplam citeşterü annan aldağı yılnıñ şuşı uq ayına qarağanda 24%qa artıp, 111 meñ 837, avtomobil’ citeşterüe isä 48%qa artıp, 70 meñ 723 buldı. Traktor citeşterüe belän bergä tuplam citeşterü 116 meñ 730qa citte.
Ğıynwar ayında tuplam bazar uzğan yılnıñ şuşı uq çorına qarağanda 35%qa artıp, 53 meñ 509 külämendä tormışqa aştı. Ğıynwar ayında avtomobil’ bazarı isä 29%qa üsep 37 meñ 288gä citte.
Soñğı 10 yıldağı urtaça kürsätkeçlärgä qarağan çaqta da 2022nçe yılnıñ ğıynwar ayında tuplam bazar 55%, avtomobil’ bazarı 51%, ciñel maşina bazarı 67, awır maşina bazarı isä 67%qa kübäygän. Ğıynwar ayında avtomobil’ bazarında cirle maşina öleşe 31% bulsa, ciñel maşina bazarında cirle maşina öleşe 44% bularaq tormışqa aştı.
Kürsätkeçlärgä kürä, ğıynwar ayında avtomobil’ êksportı 2022nçe yılnıñ şuşı uq ayına qarağanda berämläp satu bazasında 17%qa artıp, 79 meñ 381 bularaq tormışqa aştı. Avtomobil’ êksportı isä 46%qa kübäyıp 51 meñ 122 buldı.
Türkiyä êksportçılar assambleyası mäğ’lümatlärenä kürä, avtomobil’ sänäğäte êksportı ğıynwar ayında tuplam êksporttan alğan 14% öleş belän berençe urında.
