Çäy êksportı küpme tabış kiterde?

Türkiyä bıyılnıñ ğıynwar – oktyabr’  çorında 110 ilgä 5 meñ 246 tonna çäy sattı.

Bu êksporttan 18 million 26 meñ 999 dollar tabış aldı.

Bu xaqta Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan belderde.

Gürdoğan bilgeläp uzğança, bıyılnıñ 10 ayındağı çäy êksportı uzğan yılnıñ şul uq çorı belän çağıştırğanda miq’dar yağınnan 35%qa, qıymmät yağınnan 25%qa artqan.

İñ küp çäy satılğan illär  - Bel’giya, Böyekbritaniya, Germaniya.

Uzğan yılnıň ӓlege çorınnan ayırmalı bularaq bıyıl bu däwerdä Kongo, Yämän, Kolumbiya, Êstoniya häm Boliviyägä dä çӓy cibӓrelde.

Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan Türkiyäneñ ağımdağı yılnı çäy êksportında tağın da yaxşıraq kürsätkeçlär belän tämamlawına ışanuın citkerde.