Töreklär Misırda êşxanä aça

Türkiyäneñ könküreş texnikası şirkäte “Arçelik” Misırda 100 million dollar külämendä investiśiyä yasayaçaq.

Räsmi çığanaqlardan alınğan belderügä qarağanda, Şarm-äl-Şäyx şähärendä ütkän BMO klimat üzgäreşe konvenśiyäseneñ 27nçe yaqlar konferenśiyäse qısalarında, Misır sänäğat’ häm säwdä ministrı Äxmät Sämir belän “Arçelik” yuğarı idaräçese Xakan Bulgurlı oçraştı.  

Misır ministrı Sämir investiśiyäneñ detal’läre turında citkerde. “Arçelik şirkäte 100 million dollarlıq investiśiyä belän yılına 1 million yarım êlektron cihaz çığara aluçı êşxanä tözep êçke bazarğa açılırğa häm çit illärgä êksport yasarğa planlaştıra. Faktik citeşterü kiläse yılnıñ axrında başlanır dip kötelä,”-dide ul.

Ministr “Arçelik” açaçaq êşxanädä yaqınça 2 meñ misırlınıñ mäşğul’ bulaçağın da äytte. Anda citeştereläçäk könküreş texnikasınıñ 60%ı êksportqa kitäçäk.