Rusiyä iq'tisadı reśessiyägä kerde

Rusiyä iq’tisadı bıyılnıñ öçençe çiregendä, uzğan yılnıñ şul uq çorı belän çağıştırğanda, 4%qa kimep, reśessiyägä kerde. İlneñ statistika oyışması Rosstat bıyılnıñ öçençe çiregendäge tulayım êçke produkt mäğ’lümatların açıqladı. Aña qarağanda, Rusiyä iqtisadı ike çirek rättän keçeräyde.

İlneñ iq’tisadi üseş ministrlığı iq’tisadnıñ bıyıl 2,9%qa kimüen farazladı. Rusiyä Üzäk bankı isä bu kürsätkeçneñ 3 belän 3,5% arasında bulaçağın kötä.

Könbatış däwlätläre 24nçe fevral’dän birle baruçı Ukraina suğışı säbäple Rusiyägä qarata, ênergetika häm finans tarmağın da kertep, külämle sankśiyälär qullana.