Türkiyä aşa Awrupağa 63 milliard kubometr gaz cibärelä ala

Rusiyä xökümäte räise urınbasarı Aleksandr Novak Türkiyä aşa Awrupağa 63 milliard kubometr gaz importlana aluın belderde. Ul başqala Mäskäwdä uzuçı “Rusiyä ênergetika atnası” forumı qısalarında belderülär yasadı.

Novak fikerençä, Türkiyä belän Rusiyä ênergetika mäydanında bik yaxşı mönäsäbätlärgä iyä. Ul Türkiyäneñ ênergetika üzägenä äwerelü mäs’äläsenä dä tuqtaldı.

“Törek ağımınıñ sıydırışlılığı 31,5 milliard kubometr. Ütkärgeçlärneñ berse başqa däwlätlärgä êksportlaw öçen ide,”-dide Novak. Urının Törek ağımına birgän Kön’yaq Ağım ütkärgeçe üz waqıtında tulayım 4 liniyä buyınça planlaştırılğan.

“Kön’yaq Ağım yaqınça 63 milliard kubometr sıydırışlılığı belän 4 liniyä bularaq uylanıldı. Bu potenśial, ixtiyac bulğanda, älege ütkärgeçlärneñ ışanıçlı häm imin räweştä êşlätelüe şartı belän, Qara diñgez häm Türkiyä aşa awrupalı qullanuçılarğa gaz cibärü öçen qullanıla ala,”-dip söyläde Rusiyä xökümäte räise urınbasarı.