Türkiye belän Rusiyä arasında säwdä üste

Türkiyeneñ Rusiyägä êksportı avgust ayında 738 million 527 meñ dollar belän iñ yuğarı däräcägä ireşte.

24nçe fevral’dän baruçı Rusiyä-Ukraina suğışı säbäple global’ täêminat çeltärendäge özekleklär kilep çıqtı häm illärneñ Rusiyä belän säwdä mönäsäbätlärenä tiskäre yoğıntı yasaldı. Tik Türkiye, balans strategiyäse häm êffektiv tışqı säyäsät alıp barıp, älege il belän säwdäsen näticäle räweştä däwam itä.

Türkiye êksportçılar mäclese mäğ’lümatlarına qarağanda, avgustta Rusiyägä tovar satu, uzğan yılnıñ şul uq çorı belän çağıştırğanda, 87,2%qa arttı. Şulay itep ul uzğan ayda Türkiyeneñ in küp êksport yasağan 6nçı däwläte buldı. Berençe urında - 1 milliard 504 million dollar belän Germaniyä. İkençe urında AQŞ - alar Törkiyädän 1 milliard 308 million dollarlıq tovar aldı. Annan soñ Böyekbritaniyä, Ğıyraq, İtaliyä kilä.  

Rusiyä uzğan ayda Türkiyeden kübräk ximik matdälär häm alardan yasalğan produktlar aldı.