Törkiyäneñ Rusiyägä êksportı arttı

Törkiyä iyül’dä bäyä yağınnan iñ külämle êksportnı Rusiyägä yasadı.

İl, geosäyäsi yanawlarğa qaramastan, köçle êksport kürsätkeçlärenä ireşä.

24nçe fevral’dän birle däwam itüçe suğış säbäple global’ täêminat çeltärendä kürelgän xilaflıqlar häm illärneñ Rusiyä belän säwdä mönäsäbätläreneñ tiskäre yünäleş aluına qaramastan, Törkiyä balanslı strategiyäse häm êffektiv tışqı säyäsäte näticäsendä Rusiyä belän säwdä äyläneşen näticäle alıp bara.

Törkiyäneñ êksportı iyül’ ayında, uzğan yılnıñ şul uq çorı belän çağıştırğanda, 13,4%qa arttı häm 18 milliard 550 million dollarğa citte. Rusiyägä tovar satu isä, uzğan yılğa qarağanda, 236 million 900 meñ dollarğa üste häm 609 million dollar täşkil itte.

Törkiyädän Bolgariyä, AQŞ, Niderland, Kön’yaq Afrika cömhüriyätenä dä êksport arttı.