Rusiyä ministrın tıñlamadılar
APEC sammitında berniçä däwlät wäkile Rusiyä ministrı söyli başlağaç utırıştan çığıp kitte
1830093
5 däwlätneñ wäkile, Rusiyäneñ Ukrainağa qarşı 24nçe fevral’dä başlağan suğışına protest belderep, Aziya-Tın okena iq’tisadi xezmättäşlege (APEC) sammitı cıyılışın taşlap çığıp kitte. Ul Tailand başqalası Bangkokta uza.
Kyodo agentlığı yazğança, Aziya - Tın okean regionı säwdä ministrları häm başqa qatnaşuçı däwlätlärneñ wäkilläre ike könlek konferenśiyägä cıyıldı. İrtänge utırışta AQŞ, Yaponiyä, Kanada, Avstraliyä häm Yaña Zelandiyä ministrları Rusiyä iq’tisadi üseş ministrı Maksim Reşetnikov süz aluğa torıp çığıp kitä. Şulay itep, alar Rusiyäneñ Ukrainağa qarşı suğışına rizasızlıqların belderä.
