Törkiyäneñ milli boralaq motorı oçış testlarına äzer bulaçaq
Törkiyäneñ milli boralaq motorı 2023nçe yılda oçuçı belän bergä oçış sınawların başlataçaq
TUSAŞ Motor sänäğäte akśionerlıq cämğıyäte (TEI) İdarä şurası başlığı häm ğomum mödire, professor, doktor Mahmut Faruk Akşit İskeşähärdä “Gökbäy” isemle berençe cirle ğomum maqsatlı boralaq turında matbuğatqa mäğ’lümat birde.
Akşi cirle ğomum maqsatlı boralaq “Gökbäy”gä köç biräçäk “TEI-TS1400” motorınıñ TEIdä wazıyfalı törek injenerlarınıñ häm texniklarnıñ uñışı buluın belderde.
“TEI-TS1400”neñ törle testlardan uzuın iskärtep uzuçı Akşit: "Kiläse könnärdä tağın da yuğarı, tağın da awır köç qıymmätlärendä sınawlar ütkäräçäkbez. Testlardan soñ Grajdan aviaśiya ğomum mödirlegeneñ keşe belän oçışlar öçen röxsäten kötäçäkbez. Şul êtapqa kilep citelgändä keşe belän test oçışı “Gökbäy”dä başlanaçaq”, - dip äytte.
Motornıñ xäzerge waqıtta boralaqnı kütärä alaçaq maksimum daimi köçne êşläp çığaruına basım yasawçı Akşit: “2023nçe yıl tögällängänçe milli boralağıbızda keşe belän oçışnı uñışlı başqarunı maqsat itäbez”, - dide.
