Rusiyä kapitalı çitkä ağıla
Bu sankśiyälär näticäsendä distälärçä çit il şirkäte häm kertemçeneñ Rusiyädän kitüe belän dä bäyle
1810982
Rusiyädän kapital ağımı bıyılnıñ berençe çiregendä, bıltırnıñ şul uq çorı belän çağıştırğanda, 266%qa arttı häm 64,2 milliard dollar täşkil itte. Rusiyä üzäk bankınnan belderülärençä, ildä 2021nçe yılnıñ berençe çiregendä kapital ağımı 17,5 milliard dollar bulğan.
Bıyılnıñ berençe çiregendä Rusiyäneñ tışqı säwdä profiśitı 25,8 milliard dollardan 66,3 milliard dollarğa qadär artqan.
Ukrainağa 24nçe fevral’dä başlanğan höcümnän soñ kertelgän sankśiyälär näticäsendä distälärçä çit il şirkäte häm kertemçe Rusiyädän kitü yäisä êşçänlegen waqıtlıça tuqtatıp toru qararı çığardı.
Rusiyädän kapital ağımı 2021nçe yılda da, annan aldağı yıl belän çağıştırğanda, 42%qa artıp 72 milliard dollarğa citkän ide.
