Törkiyäneñ söläyman balığı İspaniyädäge yärminkädä täq’dim iteläçäk
Çarada älege balıqnı tanıtu häm êksportta yaña bazarlar êzläw maqsat itep quyıla
Törkiyäneñ söläyman balığı 26-28 nçe aprel’ könnärendä İspaniyädä uzaçaq yärminkädä täq’dim iteläçäk.
Barselonada ütkäreläçäk “Seafood Expo Global" isemle yärminkädä Awrupa satıp alıçularına Qara diñgez söläyman balığınıñ üzençälekläre turında mäğ’lümat birü häm êksportta yaña bazarlar êzläw kötelä.
Könçığış Qara diñgez êksportçıları assośiaśiyäseneñ idarä şurası başlıq urınbasarı Äxmät Xämdi Gürdoğan 42 kvadrat metr zurlığındağı stendta törek söläyman balığın tanıtaçaqların häm reklama broşyuralarında anıñ üzeçälekläre, başqa produktlar belän çağıştırğanda ayırmaları, östenlekläre añlatılaçağın belderde.
Gürdoğan:”Bez yärminkädä qatnaşuçı Awrupa satıp aluçıların Qara dingez söläyman balığınıñ östenlekläre belän tanıştırıp yaña bazarlar tabarbız dip ışanabız”,- dide.
