Türkiyeneň kürşelärenä êksport küläme
Türkiye kürşelärenä yılnıň berençe çiregendä 5 milliard 600 million dollar külämendä êksport başqardı
Türkiyeneň bıyıl berençe çirektä kürşeläre İran, Greśiya, Ğıyraq, Gruziya, Süriyä häm Bolgariyağa yasağan êksport uzğan yılnıň şuşı uq çorına qarağanda 30,4% artu belän 5 milliard 600 million dollarğa citkän.
Säwdä ministrlığı häm Türkiye êksportçılar assambleyası mäğ’lümatlärenä kürä, Türkiyeneň êksportı martta uzğan yılnıň şuşı uq ayına qarağanda 19,8% artu belän 22 milliard 700 million dollar buldı.
Bu san böten waqıtlarnıň iň yuğarı mart ayı êksport miqdarı bularaq terkälde.
Türkiye ğıynwar-mart aylarında isä 60 milliard 288 million dollar êksport başqardı.
Bu "iň yaxşı berençe çirek êksportı” kürsätkeçe bularaq terkälde.
Türkiye berençe çirektä İran, Greśiya, Ğıyraq, Gruziya, Süriyä häm Bolgariyağa 5 milliard 636 million dollarlıq êksport yasadı.
Şuşı miqdar uzğan yılnıň şuşı uq çorında 4 milliard 323 million dollar däräcäsendä ide.
Bu räweşle bu illärgä yasalğan êksport ğıynwar-mart çorında uzğan yılnıň şuşı uq ayına qarağanda 30,4%qa arttı.
Berençe çirektä iň küp êksport 2 milliard 446 million 554 meň dollar belän Ğıyraqqa yasaldı.
Bu ildän soň 1 milliard 59 million 293 meň dollar belän Bolgariya, 790 million 940 meň dollar belän Greśiya, 560 million 265 meň dollar belän İran, 396 million 177 meň dollar belän Gruziya häm 383 million 267 meň dollar belän Süriyä kilä.
Türkiyeneň 3 ayda kürşelärenä başqarğan êksportta "ximik matdälär häm êşlänmäläre” tarmağı berençe urında.
