Törkiyä daruları Gruziyagä cibärelä

Gruziyä xökümäte räise İrakli Garşbaşvili Törkiyädän alınaçaq darularnıñ berniçä atna êçendä daruxanälärgä taratılacağın belderde. Bu farmaśevtika êşlänmäläreneñ bäyäsen töşerü häm sıyfatlı darularnı ilgä kiterü öçen qabul itelgän qarar nigezendä êşlänä.  

Garibaşvili Tbilisidä xökümät binasında uzğan ministrlar kabinetı cıyılışınnan alda yasağan çığışında ildä daru bäyäläreneñ bik yuğarı buluın assızıqlap bolay dip söyläde: “Ciñel çişeleş taptıq häm kiläse atnalarda Törkiyädän importlanğan preparatlarnı daruxanälärgä cibärä başlıybız. Farmaśevtika şirkätläreneñ bolay da Törkiyädän sıyfatlı, oçsız daru qaytaru öçen aktiv êşçänlek alıp baruın beläm. Alınğan mäğ’lümatlarğa qarağanda, kiläse atnalarda daruxanälärgä taratu başlana.

Xökümät räise Garibaşvili uzğan ayda Törkiyädän yuğarı sıyfatlı darular importlaw turında qarar çığaruların citkergän ide.