Awrupada gaz bäyäläre zur tizlek belän arta
Moña Ukraina belän Rusiyä arasındağı krizis säbäpçe buldı
1778169
Awrupada gaz bäyäläre Ukraina krizisı säbäple arttı. Mart ayınıñ f’yuçer kontraktlarında zäñgär yağulıq bäyäse 14%qa qıymmätlänep 88 yevroğa citte. Uzğan yılnıñ şuşı uq çorında ul -18 yevro ide.
Awrupada tiränlege iñ zur bulğan Niderland üzäkle tabiğıy gaz satu noqtası uzğan atnada mart kontrakltların 77 yevro belän yapqan ide. Bu atnada isä berençe köndä ük 14%lıq artu küzätelä.
Awrupa Berlege däwlätläre xäzerge waqıtta tabiğıy gaznıñ 90%ın çittän kertä. Rusiyä - Awrupağa iñ küp zäñgär yağulıq êksportlawçı.
AQŞ ilbaşı Djo Baydennıñ milli qurqınıçsızlıq kiñäşçese Djeyk Sallivan kiçä Rusiyäneñ bu atnada teläsä-qaysı mizgeldä Ukrainağa bärep kerä alacağın beldergän ide. Şunnan soñ ênergetika bazarında täşwişlär arttı.
