Taw sänäğäte êksportında artış
Uzğan ayda 156 ilgä taw sänägäte êşlänmäse êksportlandı
Taw sänäğäte êşlänmäläre êksportı bu yılnıñ berençe ayında 2021nçe yılnıñ şul uq ayı belän çağıştırğanda 41,3%ka artıp, 498 million 221 meñ dollarğa citte.
Törkiyädäge Êksportçılar Mäclesennän alınğan mäğlümatqa kürä Törkiyäneñ ğıynwar ayındağı êksportı uzğan yılnıñ şul uq çorına kürä 17,3%ka artıp, 17 milliard 593 million dollar buldı.
Uzğan ayda 156 ilgä 498 million 221 meñ dollarlık taw sänägäte êşlänmäse êksportlandı.
Taw sänäğäte êşlänmäläre tarmağı uzğan ayda iñ küp êksportnı Qıtayğa başqardı. Bu ilgä ğıynwarda 129 million 108 meñ dollarlık êksport çınğa aşırıldı.
Qıtaydan soñ 47 million 361 meñ dollar belän Bolgariya, 43 million 558 meñ dollar belän Amerika Quşma Ştatları, 22 million 401 meñ dollar belän İspaniya, 16 million 795 meñ dollar belän İtaliya, 16 million 60 meñ dollar belän Germaniya häm 15 million 46 meñ dollar belän Hindıstan kilä.
