Franśiyädä yort-cirsezlär kübäyä
Uramda qaluçılar arasında yäş'lärneñ küp buluı iğ'tibarnı cälep itä
Franśiyädä yort-cirsezlär häm naçar tormış şartlarına duçar buluçılar sanı arta, ä ilbaşı Êmmanuêl’ Makron säyäsäteneñ monı tözäterlek köçe yuq.
Abbe P’yer waqıfı här yıl çığaruçı tormış şartları belän bäyle xisabında xökümätneñ toraq säyäsäteneñ citärsez buluın belderde. Anda Franśiyädä yort-cirsezlär sanınıñ 2012nçe yıldan birle iñ yuğarı noqtağa citüenä iğ’tibar cälep itelä. İl külämendä 4 millionnan artıq keşe naçar tormış şartlarında yäşi. Xäzerge waqıtta 300 meñ keşe uramnarda ğomer sörä.
Franśiyädä yaqınça 14 million 700 meñ keşeneñ sıyınu urını tabuda problemaları bar. 2021nçe yılnıñ mayınnan birle barak şikelle urınnarda 22 meñ 189 keşe yäşi. Şularnıñ 5 meñ 965e baliğ’ bulmağan yäş’tä.
Xisapta äytelgänçä, Franśiyädä 2022nçe yılda toraq arendalaw yärdäme byudjetı 4 milliard 200 million yevroğa kimetelä. Xökümätneñ êşsezlek iminiyäte şikelle reformaları az keremle keşelärne cäzalawğa qaytıp qala.
2020nçe yılda tözelgän sośial’ toraq sanı soñğı 15 yıldağı iñ tübän kürsätkeçtä.
Problemalar belän kübräk 18-25 yäş’ törkemendägelär oçraşa. Tübän kerem häm az xezmät xaqı säbäple bik küp yäş’ keşe toraq tabuda awırlıq kiçerä.
