Sarp çik buyı qapqasınnan êksport artqan
Törkiyäneñ Gruziya çigendäge Sarp çik buyı qapqası aşa başqarılğan êksport uzğan yılda annan aldağı yılğa qarağanda yaqınça 69%qa artqan
Sarp milek idaräsennän alınğan mäğ’lümatkä kürä, Törkiyäneñ Qavqazğa häm Urta Aziyağa açılğan Sarp çik buyı qapqasınnan uzğan yılda 205 meñ 407 kerü, 242 meñ 738 çığu buluı belän bergä tuplam 448 meñ 145 maşina uzğan. Bu maşinalarnıñ 365 meñ 340ın säwdä maqsatlı kerep çıqqan yök maşinaları täşkil itkän.
Artvinnıñ Hopa ilçäse säwdä häm sänäğät palatası idarä şurası başlığı Osman Aqyöräk Sarp çik buyı qapqasınnan 2021nçe yılda 1 milliard 131 million 797 meñ dollar külämendä êksportnıñ yasaluın belderep: "Uzğan yıllar belän çağıştırğanda zur külämdä artu bar. 2020nçe yılda bu san 667 million dollar ide. Yaqınça 69%qa artqan”, - dip äytte.
Aqyöräk importnıñ isä 130 million 834 meñ dollar buluın citkerep: "İq’tisadlarda êksportnıñ importqa alıştıru koêffiśiyentı bik möhim. Sarp çik buyı qapqasında êksportıbız importıbızdan 90%qa kübräk. Bu iq’tisadi kürsätkeç bularaq bik ähämiyätle”, - dip äytte.
