300 million dollarlıq tozlağan yäşelçä

Törkiyädän ağımdağı yılnıñ 11 ayında tozlağan yäşelçälärne çit illärgä satudan kilgän kerem 300 million dollarğa citte. Êgey töbäge êksportçılar berlegennän yasalğan belderügä qarağanda, 2021nçe yılda 129 däwlätkä tovar cibärelgän.

Kürsätkeçlärgä kilgändä, bıyılnıñ ğıynvarınnan noyabrenä qadär tozlağan yäşelçälär êksportı, uzğan yılnıñ şul uq çorı belän çağıştırğanda, 12%qa arttı häm 268 million dollardan 300 millionğa citte.

Bıyıl Germaniyä 76 million dollarlıq tozlağan yäşelçä satıp aldı häm berençe urınğa mende. İkençedä – 47 million dollarlıq tovar alğan Niderland. Amerika Quşma Ştatlarına isä Törkiyädän 32 million dollarlıq tozlağan yäşelçä satıla.