Törkiyäneñ avtomobil’ bäyläneşle sänäğät êksportı
Törkiyäneñ avtomobil’ bäyläneşle sänäğät êksportı 10 milliard dollardan kübräk buldı
Törkiyädän ğıynwar’-noyabr’ çorında 10 milliard 750 million 403 meñ dollar külämendä avtomobil’ bäyläneşle sänäğät êşlänmäläre êksportlandı.
Uludağ avtomobil’ industriyası êksportçıları berlege mäğ’lümatlärenä kürä, 2021nçe yılnıñ 11 ayında Törkiyädän avtomobil’ bäyläneşle sänäğätendä 200dän kübräk ilgä, irekle töbäkkä häm üzidaräle töbäkkä êksport başqarıldı.
Uzğan yılnıñ ğıynwar’-noyabr’ aylarında 8 milliard 430 million 964 meñ dollar bulğan bäyläneşle sänäğät êksportı bıyıl 11 ayda yaqınça 27,5%qa artıp 10 milliard 750 million 403 meñ dollarğa citte.
Yılnıñ 11 ayında 26 milliard 381 million 470 meñ dollar bularaq terkälgän avtomobil’ industriyasınıñ çit ilgä tuplam satuınıñ 40,8%ın bäyläneşle sänäğät êşlänmäläre täşkil itte.
Bäyläneşle sänäğättä iñ küp êksport yasalğan illär isemlegendä berençe urında avtomobil’ tarmağınıñ töp bazarı Germaniya buldı.
Germaniyağa 11 aylıq bäyläneşle sänäğät êksportı uzğan yılnıñ şuşı uq çorına qarağanda 33,85%qa arttı. İsemlekneñ ikençe urındağı İtaliyağa êksport 42,27%qa artqan. Öçençe urında bulğan Amerika Quşma Ştatlarına bäyläneşle sänäğät êksportı 38,15%qa kübäygän.
