Törkiyädä çit il keşeläre oktyabr’dä 5 meň 893 toraq satıp aldı

Törkiyä statistika oyışması oktyabr’ ayına qağılışlı toraq satu kürsätkeçlären açıqladı.

Ӓlege mӓğ’lümatlardan kürengӓnçӓ, uzğan ayda Törkiyӓ külӓmendӓ 137 meň 401 toraq satıldı.

Bu isä uzğan yılnıň şul uq ayı belän çağıştırğanda 14,9%qa kübräk.

Törkiyädä çit il keşeläre oktyabr’dä 5 meň 893 toraq satıp aldı.

Çit il keşelärenä toraq satu oktyabr’ ayında yıllıq bazada 12,1 %qa arttı.

2 meň 464 toraq belän İstanbul berençe urında tora.

Antaliya - ikençe urında. Biredä çit il keşelärenä 1 meň 385 toraq satıldı.

Başqala Änkarada isä çit il keşeläre 359 küçmäs milek satıp aldı.

Bıyılnıň ğıynwar – oktyabr’ çorında çit il keşelärenä toraq satu uzğan yılnıň şul uq çorı belän çağıştırğanda 38 %qa artıp 43 meň 372 täşkil itte.

Oktyabr’dä Törkiyädän 1 meň 265 İran watandaşı toraq satıp aldı.

Şulay uq 926 ğıyraqlı, 543 rusiyäle dä Törkiyädä küçmäs milek xucası buldı.