Törkiyä belän İtaliya arasında rekord

Törkiyä oktyabr’dä İtaliyägä êksportta aylıq rekord däräcäsenä ireşte. İlneñ êksportçılar cämğıyäte mäğ’lümatlarına qarağanda, Törkiyädän çitkä satu uzğan ayda, 2020nçe yılnıñ şul uq çorı belän çağıştırğanda, 19,2%qa üskän häm 19 milliard 76 million 662 meñ dollar täşkil itkän. Şunıñ 1 milliard 26 millionnan artığrağı - İtaliyägä. Älege ilgä Törkiyädän êksport oktyabr’dä 24%qa üskän.

Şulay itep İtaliyä iñ küp êksport yasalğan 4nçe däwlät buldı. Berençe urında – 1 milliard 560 million 366 meñ dollarlıq tovar alğan Germaniyä tora. Annan soñ Böyekbritaniyä kilä. Alarğa Törkiyädän oktyabr’ ayında 1 milliard 179  million 141 meñ dollarlıq êksport yasalğan. Öçençelek –Amerika Quşma Ştatlarında. Alarnıñ uzğan ayda Törkiyädän satıp alğannarı 1 milliard 150 millionğa töşkän.