İran Samsung häm LG texnikasın tıydı

İran ilbaşı İbrahim Räisi, dini lider Ali Xamaneynıñ kürsätmäse nigezendä, Kön’yaq Koreya firmaları Samsung häm LGdan könküreş texnikası importın tıydı.  

Xamaney däwlät başlığına xat yaza häm anda importnıñ cirle citeşterüçeneñ yulına kirtä quyuın häm monı tuqtatırğa kiräklegen äytä. Räisi ministrlıqlarğa Kön’yaq Koreyanıñ ike şirkätendä êşlängän könküreş texnikasın alunıñ tıyıluın citkerde.

İran ilbaşı 10nçı sentyabr’dä yasağan belderüendä AQŞ sankśiyälär kertkän 2018nçe yıldan birle İranğa finans kertemnären häm êksportın tuqtatqan Kön’yaq Koreya şirkätläreneñ tovarlarına monnan soñ ixtiyac toymawların häm älege ildän kontrol’sez importqa yul quymayaçaqların äytte.

Samsung häm LG İrannıñ könküreş texnikası häm kesä telefonı bazarında küp yıllar xakimlek itte.