Törkiyäneñ tabaq-sawıtların aluçılar kübäyde

Törkiyädän tabaq-sawıt êksportı yılnıñ berençe 5 ayında, bıltırnıñ şul uq çorı belän çağıştırğanda, 54,1%qa artıp annan kilgän kerem 2 milliard 400 million dollarğa citte.

Tabaq-sawıt citeşterüçelär cämğıyäte mäğ’lümatlarına qarağanda, tabın häm aş-su bülmäse tovarların çit ilgä satuda iñ yuğarı kürsätkeç martta bula. Ul ayda 565 million dollarlıq satıla. Aprel’dä älege san 553 million 400 meñ, mayda – 465 million dollar.

Êksportnıñ 51%ı Awrupa däwlätlärenä yasala. İñ zur satıp aluçı - Angliyä.