Törkiyä Böyekbritaniyägä tovar satunı arttırdı

Törkiyäneñ ike arada İrekle säwdä kileşüe bulğan Böyekbritaniyağa  êksportı ağımdağı yılnıñ ğıynvarınnan mayına qadär, bıltırnıñ şul uq çorı belän çağıştırğanda, 45,2%qa arttı häm 4 milliard 796 million 420 meñ dollarğa citte.

Törkiyä êksportçılar mäclese mäğ’lümatlarına qarağanda, ilneñ tulayım çitkä satuı da üskän. Uzğan ayda, 2020nçe yılnıñ şul uq çorına qarağanda, 65,5%qa kübräk êksport yasağannar. Mayda bu 16 milliard 480 million 210 meñ dollar kerem kiterä. Ä 5 ay buyınça qarağanda, üseş 38,3%. Kerem – 85 milliard 219 million 653 meñ dollar.

Bu çorda Böyekbritaniyäğa iñ kübe avtomobil’ industriyäse tovarları, êlektronika, äzer kiyem häm tekstil’ êşlänmäläre êksportlandı.