Global’ azıq-tölek bӓyӓlӓre 11 ay däwamında kütärelgän
Bu xaqta BMOnıň azıq-tölek hӓm awıl xucalığı oyışması belderä
Global’ azıq-tölek bӓyӓlӓreneň 11 ay buyı kütӓrelüe belderelӓ.
BMOnıň azıq-tölek hӓm awıl xucalığı oyışması belderüenӓ qarağanda, uzğan ayda urtaça 120,9 bulğan azıq-tölek bӓyӓse indeksı mart ayı belӓn çağıştırğanda 1,7%qa, uzğan yılnıň aprel’ ayına kürӓ 30,8%qa artqan.
Kiň sӓwdӓ itelgӓn azıq-tölek produktlarınıň xalıqara bӓyӓlӓrendӓge aylıq üzgӓreşlӓrne küzӓtüçe indeks 2013 nçe yıldan birle iň yuğarı dӓrӓcӓgӓ kütӓrelgӓn.
BMO azıq-tölek hӓm awıl xucalığı oyışmasınıň şikӓr bӓyӓse indeksı aprel’ ayında 3,9%qa artqan, bu isӓ uzğan yılnıň aprele belӓn çağıştırğanda yaqınça 60%qa yuğarıraq.
Pal’ma mayı bӓyӓlӓre oyışmanıň üsemlek mayı bӓyӓlӓre indeksında 1,8%qa artuğa kitergӓn.
İt bӓyӓse indeksı marttağı bӓyӓse belӓn çağıştırğanda 1,7%qa artqan.
Aşlıq bӓyӓlӓre indeksında uzğan ayda 1,2%qa artış küzӓtelgӓn.
Aprel’ ayında söt produktları bӓyӓ indeksı mart ayı belӓn çağıştırğanda 1,2%qa artqan.